तिपय महिलाको ब्रेस्ट अर्थात् छाती तथा स्तनको भागमा चिलाउने समस्या हुन्छ । स्तन वरिपरि चिलाउनुको पछाडि के कारण हुन सक्छ त्यसबारेमा जानौँ।
छाती तथा स्तनको वरिपरि चिलाउने समस्या विभिन्न कारणहरूले हुन सक्छ । छातीको छाला एकदमै संवेदनशील हुन्छ यस्तोमा चिलाउने समस्या भएमा त्यसलाई बेवास्ता गर्नु हुँदैन । छाती तथा स्तनको भागमा सरसफाईको पनि पूर्ण रूपमा ध्यान दिनुपर्छ ।
कहिलेकाहीँ छाला रुखो तथा सुख्खा भएको कारणले पनि महिलाहरूको छाती चिलाउने समस्या हुन्छ । यस्तोमा राहत पाउनका लागि मोइस्चराइजर वा कुनै तेल लगाउन सकिन्छ ।
कहिलेकाहीँ ब्रा फोहोर भएको तथा कपडाको गुणस्तर खराब भएकाले पनि चिलाउने गर्छ त्यस्तो अवस्थामा ब्रा फेर्ने गर्नुपर्छ । साथमा ब्रेस्टको एरिया सफा पनि गर्नुपर्छ ।
कतिपय अवस्थामा कुनै कपडाहरूको एलर्जीको कारणले पनि चिलाउने गर्छ । यस्तोमा सुतीको कपडा मात्र लगाउने गर्नुपर्छ । कहिलेकाहीँ महिलाहरूको स्तनमा ब्याक्टेरियल संक्रमण हुने गर्छ जसले गर्दा स्तन तथा छातीको भाग चिलाउने गर्छ ।
प्रायः महिलाहरू कपडालाई फिट देखाउनका लागि कसिलो ब्रा लगाउने गर्छन् । त्यसले गर्मी हुन्छ र पसिना आउने र त्यही चिलाउने समस्या पनि हुन्छ । त्यसैले जहिले पनि खुकुलो तथा आरामदायी कपडा लगाउनु पर्दछ ।
यस्ता समस्याबाहेक महिलाहरूले बच्चालाई दूध चुसाउने गर्दा पनि दूध यताउता लाग्ने भएकाले चिलाउने, दुधको कारणले कपडा चिसो हुने र त्यसको एलर्जी हुने, महिनावारी, गर्भावस्था आदिको समयमा पनि चिलाउने समस्या हुन सक्छ ।
