शनिबार ०२ आषाढ २०८१

रुकुमपश्चिम : रुकुम पश्चिममा ट्याक्टर दुर्घटनामा परेर घाइते भएका चालकको मृत्यु भएको छ। मुसीकोट नगरपालिका –२ निवासी १८ वर्षीय सागर परियारको बुधबार दिउँसो मृत्यु भएको हो।

बुधबार बिहान मुसीकोट नगरपालिका–५ सेरीगाउँमा रा १ त ३७१७ नम्बरको ट्याक्टर दुर्घटनामा उनी घाइते भएका थिए। जिल्ला प्रहरी कार्यालयका सूचना अधिकारी प्रहरी निरीक्षक बखत बहादुर शाहीका अनुसार दुर्घटनामा घाइते परियारलाई थप उपचारको लागि नेपालगन्ज लैजाँदै गर्दा चौरजहारी पुर्‍याइएको बेला मृत्यु भएको हो। उनको छातीमा गहिरो चोट लागेको थियो।

सोही दुर्घटनामा परेर मुसीकोट नगरपालिका वडा नम्बर–५ निवासी ४० वर्षीय हरिचन्द्र केसी घाइते भएका छ। उनलाई थप उपचारको लागि नेपालगञ्ज रिफर गरिएको छ।

घाइते दुवै जनालाई जिल्ला अस्पताल सल्लेमा प्राथमिक उपचार गरेर रिफर गरिएको थियो। सेरीगाउँस्थित विद्युत कार्यालय नजिकै मध्यपहाडी राजमार्गबाट तीन मिटर तल ट्याक्टर खसेको थियो।


Last Updated on: June 6th, 2024 at 6:44 am
६४८ पटक हेरिएको

तपाईको प्रतिक्रिया