शनिबार ०२ आषाढ २०८१

हामी बाटोमा हिँड्दा कहिले काहीँ पैसा भेट्ने गर्छौ । बाटोमा हिँड्दा हिँड्दै पैसा भेट्न पाए हुन्थ्यो जस्तो पनि लाग्छ ।

तर, बाटोमा भेटिएको पैसा कसैले आफैँले राख्ने गर्छन् भने कसैले हानी गर्छ भनेर दीनदुःखीलाई दान गर्ने गर्दछन् । या कसैले तुरुन्तै त्यसको केही सामान किन्ने गर्दछन् ।

भेटिएको पैसा साथमा राख्दा जत्ति भेटिएको छ, त्यसको दोब्बर नोक्सानी हुन्छ भन्ने पुरातन मान्यता पनि रहेको छ ।

ज्योतिश शास्त्रअनुसार गन्तव्यमा भेटिएको पैसा आफ्नो निजी काममा भन्दा पनि समाज कल्याणमा लगाउन सकियो भने कार्यसिद्ध हुने उल्लेख छ ।

शास्त्रका अनुसार बाटोमा पैसा भेटियो भने एक नयाँ जिन्दगीको सुरुवातको सङ्केत गर्छ । कुनै काममा सकारात्मकता देखिने सङ्केत गर्छ ।

हिन्दु धर्मको मान्यता अनुसार सिक्का पैसा भेट्नु र नोट भेट्नुका फरक फरक अर्थ छन् । कसैले बाटोमा सिक्का भेटेको छ भने सफलता, प्रगति तथा उपलब्धिको निशानी मानिएको छ ।

वास्तु शास्त्रका अनुसार बाटोमा भेटिएको पैसाले आफ्नो व्यक्तिगत कामभन्दा पनि कुनै मठ मन्दिर या पितृको नाममा केहि किनेर दान गरेको अवस्थामा घरमा धन सम्पत्ति वृद्धि हुने उल्लेख गरेको छ ।


Last Updated on: December 16th, 2023 at 10:58 pm
११८२ पटक हेरिएको

तपाईको प्रतिक्रिया